«Ұлы мұратын ұрпаққа аманаттаған Міржақып» 2025 жылғы 9 қазан күні сағат 15:00-де Ақмола облыстық тарихи-өлкетану музейінде ұлт зиялысы, көрнекті ағартушы, публицист, Алаш қозғалысының қайраткері – Міржақып Дулатовтың өмірі мен шығармашылығына арналған «Ұлы мұратын ұрпаққа аманаттаған Міржақып» атты дөңгелек үстел ұйымдастырылды

«Ұлы мұратын ұрпаққа аманаттаған Міржақып» 2025 жылғы 9 қазан күні сағат 15:00-де Ақмола облыстық тарихи-өлкетану музейінде ұлт зиялысы, көрнекті ағартушы, публицист, Алаш қозғалысының қайраткері – Міржақып Дулатовтың өмірі мен шығармашылығына арналған «Ұлы мұратын ұрпаққа аманаттаған Міржақып» атты дөңгелек үстел ұйымдастырылды. Іс-шараның негізгі мақсаты — Міржақып Дулатовтың қазақ тарихы мен мәдениетіндегі рөлін айқындау, оның қоғамдық-саяси және әдеби мұрасын кеңінен насихаттау, жас ұрпақтың ұлттық санасын қалыптастыруға үлес қосу болды. Дөңгелек үстел жұмысына зиялы қауым өкілдері, тарихшылар, өлкетанушылар, тіл мамандары мен студент жастар қатысты. Кездесу барысында қатысушылар Міржақып Дулатовтың ағартушылық қызметі, «Оян, қазақ!» кітабының тарихи маңызы, Алаш қозғалысындағы орны мен бүгінгі ұрпаққа қалдырған өсиеті жайлы ой өрбітті. Сондай-ақ, дөңгелек үстелде тарихи деректер мен зерттеу материалдары негізінде баяндамалар ұсынылып, ашық пікір алмасу жүргізілді. Іс-шара соңында қатысушылар Міржақып Дулатовтың мұрасын білім беру, тәрбие және рухани жаңғыру бағытында кеңінен қолдану қажеттігін атап өтті. Ұлт үшін туған тұлғаларымызды тану — тарих алдындағы қасиетті борыш. Міржақып Дулатовтың мәңгілік мұрасы — елдіктің, ерліктің және руханияттың жарқын үлгісі.